Туризмі түлеп келе жатқан Төлеби ауданының ең көрікті жерлерінің бірі – Қасқасу өңірі. Әсем табиғатымен кімді болсын баурап алатын шатқалды аймақта қазіргі таңда 20-ға жуық демалыс аймақтары орын тепкен. 

Солардың бірі  «ALTYN BULAK KASKASU» демалыс орны.  Көрсең көзің тоятын табиғат аясында еректерге және балаларға арналған жеке бассейн, сауна, бильяр, караокесі бар ағаштан жасалған  үйлер орналасқан. 

Қасқасу ауылдық округінде  инвестициялық құны 200 миллион теңгені құрайтын тағы бір керемет демалыс кешені туристерге сапалы қызмет көрсетуде. Кешеннің сиымдылығы 50 орынды құрап, 7 жаңа жұмыс орындары ашылған.  Жайдары жазда ғана емес жылдың өзге де мезгілінде қонақтарды қабылдауға дайын бұл демалыс орнының ерекшелігі  Қасқасу шатқалының тылсым, жұмбаққа толы тасы мен шатқалдарын көзбен көріп, серуендеуге мүмкіндік бар.  Тамаша табиғат аясы фотосессия жасауға өте ыңғайлы.