Сұлулықты аямай берген Төлеби ауданы - бүгінде туристердің ең сүйікті мекеніне айналып отыр. Таулы, нулы өлкеде демалушылар қызықтайтын орындар көп. 

Солардың бірі - Бозторғай шатқалы. Шатқалдың экологиялық жүйесі – тамаша. Орташа биіктіктер, жоғары орта жылдық температура, құнарлы таулы-қоңыр топырақ және жеткілікті дымқылдық ағаштардың, бұталар мен шөптердің, оның ішінде эндемиялық өсімдіктердің көп көлемде өсуіне жағдай жасайды. Суы жер бетінде біресе көрінетін, біресе жоғалып кетіп жер астында жылға боп ағады.   Жылға жағаларына тау талы,  Семенов үйеңкісі өскен. Кордоннан 2 км қашықтықта жабайы жүзімнің ерекше түрі өседі. Шатқал беткейлерін долана жауып тұрады, ал жылғаның екі жағынан нағыз пісте, Сиверс алмасы мен Регель алмұрты қалың болып өсіп тұр. Арнайы бағытпен бет туристер соқпақ жол арнаның біресе оң біресе сол жағамен жүре отырып 1,5 сағаттан кейін жартас астынан ағып тұрған көрікті жер салқын Қарабастау бұлағына әкеледі. Аялдама асуда. Бағыттың жоғары жағында кавказ қаңақасының саны ұлғаяды, ашық қызғылт-сары жемісті эфедра, қызыл шие және итмұрын бұталары кездеседі. Жарты сағаттан кейін негізгі шатқал шығысқа бұрылады.  Бұл жерден Жамбыл облысының Алексеевка поселкесіне әкелетін асу жақсы көрінеді. Құздардың жоғары бөліктерінде жасыл аршалы, Қаратау арқары мен елігінің мекен ететін жері – беткейдің кең учаскелері. Жылғалардан жайра мен борсықтың жолдары жатыр. 1 сағат 15 минуттан кейін жылға шығатын жер кездеседі. Кейіннен демалушылар Жамабастау сайына қарсы орналасқан жазыққа шыға алады. Мұнда туристер  жайра індері мен арқарларды сыртынан бақылай алады. 

  Осындай жабайы табиғат аясында тарихи танымыңызды арттырғыңыз келсе, Бозторғай шатқалына келіңіз!