Бүгінгі туристер тау мен тасты аралап немесе қаланың көрікті жерлерін аралап қана қоймай сол өңірдің ас-ауқатынан дәм татқанды жөн көреді. Бұл өз кезегінде елімізде гастротуризмнің дамуына жол ашып отыр. Тамаша табиғатымен тур стерді магнитше тартатын Төлеби ауданы қазіргі таңда шатқалдары мен ғана емес балдай тәтті қымызымен де демалушыларды баурап алуда. Соңғы жылдары ауданда саумалмен емдеу орталықтарының көбеюі осының дәлелі.    Әсіресе,  Қоғалы ауылдық округіндегі  Диханкөл ауылы осы  төрт түліктің  төресі жылқы саумалымен танымал.  Ауылдағы  «Арғымақ саумал» деп аталатын  шипайжай дертіне шипа іздеген жандарға жоғары дәрежеде қызмет көрсетіп келеді.  Жеке кәсіпкер Жұмабек Жақсыбеков емдеу орталығының құрылысына өз қаражаты есебінен 150 миллион теңге жұмсаған. 

Орталық бір кезеңде 50 адамды қабылдап, емдеуге мүмкіндігі бар. Саумалмен емделушілер республикамыздың барлық аймақтарынан келіп, орталықта тынығып, ем алуда. Шипажайда емделушілерді бір күнде төрт мезгіл саумал, үш мезгіл ыстық тағаммен қамтып, жатын бөлмелері қажетті жуын бөлмелері мен WI-FI желісіне қосылған. 

Айта кетейік, бұл орталыққа жылдың кез-келген мезгілінде келуі үшін барлық мүмкіндіктер қарастырылған.