Мемлекеттік аудит нәтижесі маусымның соңында шығады. Бұл туралы қордың басқарма төрағасы Нұрлан Жақыпов мәлім етті.

- Иә, қазір Жоғары аудиторлық палата Самұрық-Қазына қорының қызметіне мемлекеттік аудит жүргізіп жатыр. Бұл жұмыс маусымның соңында аяқталады. Нәтижесін Жоғары аудиторлық палата Үкімет пен Парламентке жолдайды, - деп қысқа қайырды Нұрлан Жақыпов қорда өткен брифингіде.

Сондай-ақ қор басшысы аудит нәтижесіне қатысты қосымша ақпарат берілетінін мәлім етті.

Бұған дейін қор басшысы Нұрлан Жақыпов «Самұрық-Қазына» жалпы ішкі өнімнің 50-60 пайызын құрайды деген ақпаратты жоққа шығарды. 

Кеше ғана Мәжіліс депутаты Әділ Жұбанов Премьер-министрдің атына сауал жолдап, «Самұрық-Қазына» қоры Қазақстан экономикасының драйвері емес, тежеуіші деп сынаған еді.

Айта кетейік, Үкімет басшысы Олжас Бектенов Самұрық-Қазынаның отандық өндірушілерден тауар сатып алу көрсеткішін сынады. 

Сондай-ақ «Самұрық-Қазына» акционерлік қоғамы күшіне енген үкімет қаулысының қордың дивидент саясатына қалай әсер ететінін туралы түсініктеме берді. 

Одан бөлек «Самұрық-Қазына» 177 млрд теңгенің тауары мен қызметін шетелдік жеткізушілерден «бір көзден» сатып алғаны туралы жазған едік.