Алматыда 4 наурыз сағат 11:22 жер сілкінісі болды. Алматы қалалық ТЖД мәліметінше, сейсмологиялық бақылау және зерттеу ұлттық ғылыми орталығының сейсмикалық стансалар желісіндегі ақпарат өңделіп жатыр.

Алматыда дүмпу 5 балл көлемінде сезілген. 

 «Өзара іс-қимыл алгоритміне сәйкес тиісті мемлекеттік органдарға хабарланды. Полиция департаментінің жедел кезекшісіне ақпарат жеткізілді, қаланың ғимараттары мен құрылыстарын қирау мен бүлінуіне мониторинг жүргізіліп жатыр», - деп хабарлады ТЖД.